Avanzan os traballos da senda de Acebedo a Pao do Lobo (Cerceda)

Os traballos de construción da senda peonil que une o Acebedo co Pao do Lobo avanzan a bo ritmo, sinalou a fins da semana pasada o Concello de Cerceda. Esta obra enmárcase na aposta forte en favor da mobilidade non motorizada por parte do Concello. No último ano executáronse outras actuacións cofinanciadas polo IDAE como as sendas peonís de Ribasoutas, San Vicenzo ou a do consultorio da Silva a Gosende.