Dous ouros para o Atlética A Silva-Ordes no Campionato de España de Lanzamentos Longos

O Atlética A Silva-Ordes informou hoxe dos bos resultados do club nos campionatos de España de lanzamento longo e pista cuberta sub 16. No primeiro caso, o Campionato de España de Lanzamentos Longos Master de Badaxoz, Ana Abuín acadou o ouro en lanzamento de Martelo w60 de 3 quilogramos, e prata en lanzamento de Martelo pesado.

Pola súa banda, Ángeles Rodríguez foi ouro en Xavelina W60 e prata en Lanzamento de Disco W60 de 1 quilogramo. O seu compañeiro de club José Domínguez foi prata en Xavelina M50.

En canto aos Campionato de España Sub16 de Pista Cuberta que tivo lugar en Sabadell, o club acadou a décima praza en 600 metros con María Estévez, no que foi o debut desta corredora no Campionato de España.