O Bloque de Ordes pide retirar os obstáculos da senda peonil de Montaos

O portavoz do BNG de Ordes, Pablo Vidal, puxo de manifesto a existencia na senda peonil

recentemente executada en Montaos, “dunha serie de obstáculos, consistentes en varios

postes de tendido telefónico situados no centro da beirarrúa ou mesmo unha arqueta

notablemente elevada con respecto á cota do pavimento”.

Desde o bloque, instaron ao alcalde a solucionar a situación levando a cabo “as xestións

precisas para a retirada dos referidos obstáculos, recuando os postes e rebaixando a arqueta ata o nivel do pavimento”.