Oroso celebra o Día de Rosalía promovendo que se agasallen libros e flores

A Concellaría de Mulleres, Ensino, Benestar Social e Política Lingüística do Concello de Oroso conmemorará un ano máis o Día de Rosalía de Castro. Para este 23 de febreiro, o concello traballa en varias iniciativas, como a de 'Agasalla un libro en galego e unha flor'. O cartel xa está nas librarías de Oroso.

O Concello anima a toda a veciñanza a celebrar desta forma "un día tan especial para Galicia".