top of page

Oroso mellorará o abastecemento de bombeo de auga a San Román de Pasarelos


O Concello de Oroso continúa co seu plan integral de renovación da rede de saneamento e abastecemento municipal no casco urbano e nas parroquias. Dentro deste plan, investirá 72.830 euros nunhas obras para a mellora no abastecemento de bombeo de auga a San Román de Pasarelos, na parroquia de Oroso.


Esta actuación únese aos traballos que o concello anunciou a semana pasada para a ampliación da rede desde o núcleo de Sar ata o núcleo de Cabanas, na parroquia de Os Ánxeles, cun investimento de 30.000 euros.


Nas últimas semanas, e dentro do abastecemento, o concello sacou a licitación tamén as obras para mellorar a rede no núcleo do Campo de Cabanas, en Oroso e aledaños (parroquia de Oroso), cun investimento de 94.571 euros, e no núcleo de Os Carballos, na parroquia de Deixebre (91.788 euros).


Todos estes traballos forman parte ademais da actuación conxunta no rural de Oroso durante o segundo semestre do ano, con diferentes obras que supoñen un investimento próximo aos 900.000 euros.

Commentaires


bottom of page