Un ferido en accidente de moto en Ordes

Unha persoa que conducía unha moto sufriu feridas de consideración ao caer do vehículo no punto quilométrico 27 da N-550, en Ordes. O accidente rexistrouse no 112 Galicia uns minutos despois das catro e media da tarde de onte, a través do persoal de Urxencias Sanitarias de Galicia-061, que mobilizou ata a zona un helicóptero medicalizado para atender á persoa ferida e no que foi trasladada ao Complexo Hospitalario Universitario da Coruña.

Desde o CIAE 112 Galicia, tras recibir o aviso do accidente, púxose a situación en coñecemento da Garda Civil de Tráfico, da Policía Local, dos Bombeiros de Ordes e do servizo de mantemento da estrada.