Varias ducias de veciñas e veciños de Frades percorren o Camiño Inglés

Un total de 37 veciños e veciñas de Frades percorreron, convocados polo Concello, a primeira etapa do Camiño Inglés o pasado sábado entre a casa consitorial e o porto de Curuxeiras, en Ferrol. Na cidade departamental visitaron algúns monumentos para, despois, realizar unha andaina de 15 quilómetros ata o municipio de Neda, onde os recolleu o autobús de volta a casa.

A próxima cita (Neda-Pontedeume) terá lugar o sábado 12 de marzo. O prezo mantense nos 10 euros por persoa e etapa (as persoas participantes poderán elixir se levan a comida para o camiño ou xantan nalgún restaurante da zona por conta propia).

As inscricións poden efectuarse no Concello de Frades ou chamando ao 981 695 567.