O Plan Único da Deputación da Coruña superará en abril os 100 millóns de euros, unha cifra récord que se destinará a financiar obras, gasto corrente, servizos públicos e iniciativas de carácter social nos 93 concellos da provincia.
O presidente da Deputación da Coruña, Valentín González Formoso, o vicepresidente, Xosé Regueira Varela, e a deputada de Plans Provinciais e Asistencia a Municipios, Cristina García Rey, presentaron hoxe as novidades do POS+2024, que suma aos 50,5 millóns de euros que xa tiña consignados no orzamento inicial do 2024 outros 50 millóns de euros que se aprobarán no pleno de mañá venres no marco dun expediente de modificación de créditos.
Formoso destacou o “cambio revolucionario” que supuxo o Plan Único na forma de facer política da institución provincial, xa que multiplicou por tres o investimento da Deputación nos concellos e deulles “total autonomía” á hora de decidir en qué invisten os fondos.
Plan Único 2024 | ||||
Concello | Inicial | Social | Adicional | TotalPOS+ |
Frades | 359.754,18 | 57.891,48 | 352.075,18 | 769.720,84 |
Ordes | 726.226,48 | 116.864,03 | 718.943,27 | 1.562.033,78 |
Oroso | 447.768,90 | 72.054,77 | 620.283,17 | 1.140.106,84 |
Tordoia | 439.160,94 | 70.669,58 | 429.787,00 | 939.617,52 |
Trazo | 400.080,19 | 64.380,72 | 446.474,41 | 910.935,32 |
Cerceda | 446.155,96 | 71.795,21 | 504.371,32 | 1.022.322,49 |