O Concello de Oroso fixo pública información de interese para as persoas participantes na excursión a Nova Jump-Trampoline Park en Saniago de Compostela. O prazo de inscrición permanece aberto ata o 23 de decembro no centro cultural ou ata cubrir prazas. As prazas asignaranse por orde de solicitude. Os participantes deben ter cumpridos os 8 anos no momento da inscrición e terán preferencia empadroados no concello de Oroso.
A excursión terá lugar o martes 28 de decembro, con saída dende diante do Centro Cultural ás 10.30h. A volta será entre as 13.15h e as 13.30h no mesmo lugar. As e os participantes menores de idade deberán facer as dúas viaxes (tanto a de ida como a de volta) no autobús e ter cuberta a autorización no momento da viaxe.
Comments