A Mancomunidade de Ordes leva a FITUR as ‘Rutas Guiadas pola Comarca de Ordes’

A Feira Internacional de Turismo (FITUR) de Madrid acollerá o vindeiro mércores, 18 de xaneiro, a presentación das ‘Rutas Guiadas pola Comarcade Ordes’, unha iniciativa promovida pola Mancomunidade que procura a divulgación do patrimio natural e paisaxístico dos concellos que a conforman. No acto intervirán a presidenta da Mancomunidade, Susana García, o delegado da Xunta na Coruña, Gonzalo Trenor, e Iria Rodríguez, da empresa Viaxes Alumar.

A iniciativa integra un total de sete visitas guiadas polos municipios integrantes da Mancomunidade. As visitas buscan promover o patrimonio natural, etnográfico e gastronómico da comarca. A experiencia pode mellorarse contratando un apartado gastronómico con degustación de produtos típicos.

O proxecto foi elaborado por unha vintena de empresas do xeodestino Terras de Ordes. Tanto particulares como axencias poden realizar reservas. As rutas están dispoñibles para reserva na web da Mancomunidade.