Concorrida clausura das Escolas Municipais en Frades

O sábado 18 de xuño celebrouse a Clausura das Escolas Municipais no Pavillón Municipal de Frades-Ponte Carreira, coa participación de máis de 80 cativos e cativas.Houbo exhibicións das Escolas deportivas de fútbol sala e de Patinaxe así como exposición das Escolas de Debuxo.

Ao rematar, o alcalde de Frades, Roberto Rey e o concelleiro de cultura e deportes, J.Carlos Portos entregaron os diplomas e agasallos á rapazada e ao profesorado das escolas de Futbol sala, Patinaxe, debuxo e pintura, inglés, informática e mecanografía.