top of page

Frades inicia a recollida de alimentos solidaria de Nadal


O Concello de Frades, en colaboración con Cáritas, abre hoxe a súa tradicional recollida de alimentos para as familias necesitadas do municipio. A campaña, que se organiza por décimo ano consecutivo, estará aberta ata o 21 de decembro.


Este ano engádese un novo punto de recollida: PROGANDO, en Abellá; e mantéñense os tradicionais salón de peiteado Patricia Tacón (Abellá), os supermercados Claudio e Tandy (Ponte Carreira), a Cooperativa Central de Frades (Ledoira), o CPI Ponte Carreira e a propia Casa do Concello. Poderán entregarse alimentos básicos: leite, aceite, azucre, pasta, arroz, legumes, conservas... que non estean caducados, non teñan superado a data de consumo preferente e estean debidamente etiquetados.


Nas anteriores edicións recolleuse unha media de 400 quilos por campaña. Agora, o Concello de Frades fai un novo chamamento á colaboración veciñal e pon á súa disposición os teléfonos dos Servizos Sociais municipais (981 69 55 67) e de Cáritas (647 120 228) para resolver calquera dúbida.

コメント


bottom of page