Moita afluencia e bo ambiente no retorno da Feira das Nenas da Silva en Cerceda

O Concello de Cerceda fixo públicas onte varias imaxes da festa que tivo lugar onte no municipio, o retorno da clásica Feira das Nenas na Silva. Centos de persoas asistiron a esta nova edición que volveu contar con competicións ecuestres, con exhibicións e unha Ruta Cabalar.

A festa incluíu a participación de charangas, grupos tradicionais e a Orquestra París de Noia, así como o Grupo Tania Veiras.

Despois das competicións ecuestres tivo lugar a entrega de premios e a das bandas á parella da Feira das Nenas, os artistas María Mera e Pepe Capelán.