Remata o Campamento de Verán 2022 do Concello de Trazo

O pasado 31 de agosto remataron as actividades de conciliación organizadas polo concello de Trazo e executadas por "El Juguetón". Durante este verán, as nenas e nenos gozaron de xogos cooperativos, obradoiros de cociña, traballos manuais, cine, actuacións musicais, inchables, xogos de auga ou a piscina. O Concello agradece o gran traballo do equipo de monitoras.